Краіна, аб якую разьбіваецца лёгіка адэптаў трыадзінства Беларусі, Расеі і Ўкраіны (фотафакт)

Фотафакт таго, як на прыкладзе братняе Нарвэгіі разьбіваецца лёгіка адэптаў ўсходнеславянскага адзніства беларусаў, украінцаў і расейцаў)

Генэалягічны фэйк, альбо як у Беларусі ўваскрасілі нашчадка Напалеона

У сувязі з двухсотай гадавінай Бярэзінскае бітвы паміж войскамі Францускае й Расейскае імпэрыяў шэраг беларускіх, і ня толькі, сродкаў масавае інфармацыі паведамілі, што ў нашу краіну прыехаў нашчадак першага францускага імпэратара Напалеона Банапарта – Шарль Напалеон.

Жывыя імёны расстрэльнай статыстыкі, або як бальшавіцкія рэпрэсіі прайшліся па маёй сям'і

Сёньня, у ноч з 29 на 30 кастрычніка, спаўняецца роўна 75 гадоў з беларускай "крыштальнай ночы", калі ў Менску ва ўнутранай турме КДБ была расстраляна больш за 100 дзеячоў беларускай мастацкай, навуковай і палітычнай эліты БССР. Гэта дзень па праве лічыцца Днём памяці ахвяраў бальшавіцкага тэрору на Беларусі.

У нашай сям'і ўспамінаў пра тое, што хтосьці са сваякоў быў рэпрэсаваны за савецкім часам, не захавалася. Падавалася, што рэпрэсіі не закранулі нашае сям'і, не прайшліся па простых сялянах, якімі былі мае продкі. Але так толькі падавалася. Сталінскі тэрор прайшоўся і па іх.

Віктар спарадзіў Максіма, Максім спарадзіў Францішка, Францішак …

Вось і нарадзіўся, дзякуй Богу, у нас другі дзіцёнак і першы сын – Францішак Торвальд, брат Рагнеды Адэлі. 

Цяпер і па-беларуску (відэа)

Ідэя стварэньня ўласнага леманатара ў нас зьявілася даўно, калі мы вырашылі вучыць нашу Рагнеду чытаць. Аднак, як высьветлілася, ня ўсё так проста: у Менску амаль не знайсьці лемантары для зусім маленькіх дзетак, у якіх былі б проста намаляваныя літары і малюнкі да іх. Прычына таму – славутае беларускае дзьвюхмоўе, якое дазваляе папросту не зьвяртаць увагу на беларускую мову.

Квартал перавернутых сьцягоў - фота

У кожным горадзе ёсьць свае знакамітыя кварталы, як напрыклад Квартал чырвоных ліхтароў у Амстэрдаме. У Менску ж, мяркуючы па ўсім, можа зьявіцца свой Квартал перавернутых сьцягоў.

Ідэалягічная дывэрсія на Валадарскага - фота

Сучасны беларускі сьцяг, таксама вядомы як "заход на балотам", зьяўляецца дзяржаўным ужо больш за 17 гадоў. Ягоны геральдычны папярэднік быў афіцыйным 40 гадоў – з 1951 да 1991 году. Але беларусы ўсё ніяк ня могуць запомніць, што чырвоная стужка знаходзіцца над зялёнай, і працягваюць яго вешаць да гары нагамі.

Як увесь Менск раптам стаў каталіцкім

Зазвычай я вельмі непрыхільна стаўлюся да таго, як менскія ўлады ўпрыгожваюць да сьвятаў вуліцы гораду: аднатыпныя савецкія шыльды і плякаты, на якіх толькі мяняецца назва сьвята, аднолькавыя сьцяжкі, тумбы – усё гэта застаецца нязьменным з году ў год, ад сьвята да сьвята. Але сёньня зусім інакш. Сёньня ўпрыгожваньні вельмі да месца, хаця арыгінальнасьцю яны зноў не вызначаюцца.

Як лепш за ўсё заглушыць чужую ініцыятыву?

Бывае загарысься якой-небудзь ідэяй, спрабуеш яе рэалізаваць, сутыкаесься зь перашкодамі, памыляесься, але ўсё адно ідзеш далей, змагаесься зноў і зноў... Але раптам хтосьці, хто, ты лічаш, абавязкова падтрымае тваю ініцыятыву ці прынамсі ня будзе ёй перашкаджаць, бярэ і пляжыць яе па поўнай, прычым за тваёй сьпінай. І рукі апускаюцца, бо не разумееш за што і навошта.

(EuroNews vs ЕвроНьюс) vs Catholic Church

Сёньня тэлеканал EuroNews прысьвяціў частку свайго этэрнага часу Каталіцкаму Касьцёлу. Звычайна гэтае ўвагі Касьцёл заслугоўвае толькі на вялікія сьвяты: Божае Нараджэньне ды Вялікдзень. Тут жа да сьвятаў яшчэ далёка. У чым жа прычына ўвагі?

"Внимание. На четвертом этаже открыли окно настежь"

Сёньня здарылася тое, пра што Telegraf.by пісаў яшчэ дзесяць дзён таму, а дзяржаўная БелТА паведаміла толькі зраніцы – на адкрыцьцё новага корпусу ФМА БДУ прыехаў Аляксандар Лукашэнка.

Глаз ня бачыць далей за свой нос

Учора, 30 жніўня, мой былы сусед па бабруйскім пад'езьдзе, а сёньня дэпутат пацёмкінскага парлямэнту Анатоль Глаз прапанаваў скасаваць у краіне гімназіі і ліцэі, паколькі яны "азаходніваюць" сыстэму навучаньня, адыходзяць ад традыцыяў савецкае школы і дзеляць маналітнае грамадзтва на больш разумных і менш разумных, а посьпехаў на алімпіядах не прыносяць. Пры гэтым ён прапанаваў замест гімназіяў і ліцэяў ствараць у школах профільныя клясы, якія ня так даўно былі з посьпехам у нашай краіне скасаваныя.

Да здравствует советский суд!

Распавёў Віктар Клёпс, кіраўнік дабрычаннай аранізацыі ў Ваўкавыску «Саюз сем’яў загіблых, памерлых, інвалідаў войнаў – Памяць», які некалькі гадоў прапрацаваў ў савецкай турме: