Сёньня здарылася
тое, пра што Telegraf.by пісаў яшчэ дзесяць дзён таму, а дзяржаўная
БелТА паведаміла толькі зраніцы – на адкрыцьцё новага корпусу ФМА БДУ прыехаў
Аляксандар Лукашэнка.
Загадзя, на
зьмену тым, хто ў аўральным тэмпе прыводзіў наш двор і прылеглыя тэрыторыі ў
парадак, усё фарбаваў і мыў вокны ў пад'ездах, прыйшлі людзі ў цывільным.
Заўсёды поўная машынаў Ленінградзкая была абсалютна пустой, а на ходніках і ў
дварах сабраліся людзі ў цывільным і міліцыянты. Прычым міліцыянты стаялі ля
кожнага пад'езду, дзьверы ў якія былі расчыненыя наўсьцяж, каб ніхто, барані Божа,
раптам не захацеў...
Поўную цішыню
зрэдку разразаў гул тралейбусаў, якім час ад часу дазвалялі праехаць па вуліцы,
ды перамовы па рацыях кшталту: "Внимание. На четвертом этаже открыли окно
настежь".
І вось па рацыях,
мяркуючы па ўсім, перадалі: "адбой". Людзі ў цывільным накіраваліся
па машынах, міліцыянты – стройнымі калёнамі ва ўнутраны дворык БДУ, Мікалай
Ладуцька – наадварот адтуль. Машыны па крысе сталі запаўняць Ленінградзкую, і
ўсё паволі вярнулася на свае колы. І толькі дзьверы ў дварах так і засталіся
стаяць адчыненымі, падтрымлівыемыя цяжкімі камянямі...
Комментариев нет:
Отправить комментарий